Анхдугаар хуралдааныг товлон зарлах тухай

2020 оны 10 сарын 21              Дугаар 147                           Улаанбаатар хот
  
 
     Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 23 дугаар зүйлийн 23.4 дэх хэсэг, 25 дугаар зүйлийн 25.1 дэх хэсэг, Нийслэлийн иргэдийн Төлөөлөгчдийн Хурлын Хуралдааны дэгийн 5 дугаар зүйлийг тус тус үндэслэн Нийслэлийн иргэдийн Төлөөлөгчдийн Хурлын Тэргүүлэгчдээс ТОГТООХ нь:
 
     1.Нийслэлийн иргэдийн Төлөөлөгчдийн Хурлын VIII дахь удаагийн Анхдугаар хуралдааныг 2020 оны 10 дугаар сарын 23-ны өдрийн 11.00 цагаас хуралдуулж дараах асуудлыг хэлэлцүүлсүгэй. Үүнд:
 

1. Нийслэлийн иргэдийн Төлөөлөгчдийн Хурлын 2020 оны ээлжит сонгуулийн дүн, сонгогдсон Төлөөлөгчдийн бүрэн эрхийг хүлээн зөвшөөрүүлэх тухай

            Илтгэгч нь: Нийслэлийн Сонгуулийн хорооны дарга Ү.Ганболд
 
      1.2.Нийслэлийн иргэдийн Төлөөлөгчдийн Хурал дахь намын бүлэг байгуулсан тухай шийдвэр танилцуулах
 
       1.3.Нийслэлийн иргэдийн Төлөөлөгчдийн Хурлын даргыг сонгох тухай
 
      1.4.Нийслэлийн иргэдийн Төлөөлөгчдийн Хурлын Тэргүүлэгчдийн тоог тогтоож, бүрэлдэхүүнийг сонгож батлах тухай
 
     1.5.Нийслэлийн Засаг дарга бөгөөд Улаанбаатар хотын Захирагчид нэр дэвшүүлэх тухай
 
      2.Хуралдааны бэлтгэл ажлыг хангаж ажиллахыг Нийслэлийн иргэдийн Төлөөлөгчдийн Хурлын Ажлын алба / Б.Батбямба/-д даалгасугай.